„სალომე ზურაბიშვილის კომენტარი ზოგიერთ მედია საშუალებაში კონტექსტიდან იყო ამოღებული და განხილული“, – ამის შესახებ პარლამენტის თავმჯდომარემ ჟურნალისტებთან საუბრისას განაცხადა.
არჩილ თალაკვაძის განმარტავს, რომ საქართველოს პრეზიდენტი ძალადობის წინააღმდეგია.
„რამდენადაც ვიცი, სალომე ზურაბიშვილის კომენტარი ზოგიერთ მედია საშუალებაში კონტექსტიდან იყო ამოღებული და განხილული. ვფიქრობ, ნათელია და არ არის საკამათო, რომ საქართველოს პრეზიდენტი ძალადობის წინააღმდეგია, ისევე როგორც ხელისუფლების ყველა შტო.
ჩვენ ყველაფერი უნდა გავაკეთოთ, რომ ჩვენ საზოგადოებაში ძალადობა შევამციროთ. ასევე, შევამციროთ ძალადობა არასრულწლოვნებშიც. ამისთვის არაერთი რეფორმა გატარდა ჩვენი ხელისუფლების პირობებში. კიდევ არის ნაბიჯები გადასადგმელი, როდესაც დავბრუნდებით საშემოდგომო სესიაზე პარლამენტი ამ მიმართულებით გააგრძელებს მუშაობას“, – აცხადებს არჩილ თალაკვაძე.
შეგახსენებთ, დღეს სალომე ზურაბიშვილმა ჟურნალისტებთან საუბრისას განაცხადა, რომ ბულინგით დაიღალა.
„დავიღალე რამდენიმე ტელევიზიის მხრიდან ბულინგით. თუ თქვენ არ გესმით ქართული თქვენი პრობლემაა, თუ თქვენ ვერ კითხულობთ წინადადებას ბოლომდე თქვენი პრობლემაა“, – განმარტავს საქართველოს პრეზიდენტი.
