ალიანსის 2010 წელს მიღებული სტრატეგიული კონცეფცია ადაპტაციას საჭიროებს, – ამის შესახებ ნატო-ს გენერალურმა მდივანმა, იენს სტოლტენბერგმა რიგის უსაფრთხოების სამიტზე სიტყვის გამოსვლისას განაცხადა.
„დღეს ჩვენ ვცხოვრობთ სისტემური კონკურენციის ეპოქაში. რუსეთი და ჩინეთი ძირს უთხრიან წესებზე დაფუძნებულ საერთაშორისო წესრიგს. ძალთა ბალანსი იცვლება. დემოკრატია და თავისუფლება მძიმე ზეწოლის ქვეშაა მოქცეული“, – განაცხადა იენს სტოლტენბერგმა.
მისივე თქმით, ამ გამოწვევების გასამკლავებლად აუცილებელია ნატო-ს სტრატეგიული კონცეფციის ადაპტირება.
„ხუთი ელემენტი არის კრიტიკულად მნიშვნელოვანი. ესენია – ჩვენი ღირებულებების დაცვა, სამხედრო შესაძლებლობების გაძლიერება, საზოგადოებების გაძლიერება, გლობალური ხედვა და ნატო-ს მშენებლობა, როგორც ევროპისა და ჩრდილოეთ ამერიკის ინსტიტუციური დამაკავშირებლის“, – განაცხადა იენს სტოლტენბერგმა.
