„ლეიბორისტული პარტიის“ლიდერი, შალვა ნათელაშვილი NDI-ს კვლევას აფასებს და ამბობს, რომ ოპოზიციას 30 წელია ასეთი მაღალი რეიტინგი არ ჰქონია.
„მსოფლიოს პოლიტიკური პრეცედენტებითაც კი, ქართულმა ოპოზიციამ გადადგა შეუდარებელი ნაბიჯი, უარი თქვა, პირად, პარტიულ, ვიწრო, ეგოისტურ ინტერესებზე, არ შევიდა სიყალბის გზით შედგენილ პარლამენტში, ჩააბარა მანდატები და ჩვენს ხალხს ყოველთვის შეუძლია, თეთრის და შავის გარჩევა.
ე.წ. „ენდიაის“ კვლევა ვითომ ჩატარებულია დეკემბერში, როდესაც ბატონი ტრამპი კაპიტოლიუმზე შტურმს აპირებდა. დარწმუნებული იყო, რომ ის და მისი სიძე კუშნერი გააგრძელებდნენ არა მარტო ამერიკის, არამედ მთელი მსოფლიოს მართვას, ხოლო კუშნერი დიდად დავალებული გახლდათ ბატონი ივანიშვილისგან, რომლის ასეულობით მილიონი დაბანდდა ამ ბატონის ჯიბეში. აღნიშნული „ენდიაის“ გამოკვლევაც შედგენილია კუშნერის გემოვნებით“, – აცხადებს შალვა ნათელაშვილი.
ცნობისთვის, კვლევის მიხედივთ, მხარდაჭერის კუთხით „ქართული ოცნება“ ლიდერობს (31%), „ნაციონალურ მოძრაობას“ გამოკითხულთა 5% უჭერს მხარს, ხოლო დანარჩენ პარტიებს 9%. სწორედ სხვადასხვა პარტიაში შედის „ლეიბრისტული პარტიაც“ ხუთ სხვა პარტიასთან ერთად.
ნახეთ სრულად: რას ფიქრობს ხალხი – NDI-ის კვლევის მთავარი მესიჯები
