ამერიკის კონგრესის წარმომადგენელთა პალატის სპიკერის, ნენსი პელოსის თქმით, დონალდ ტრამპს რუსეთსა და თალიბანს შორის საიდუმლო მოლაპარაკებებზე სათანადო რეაგირება არ ჰქონია. ტრამპი მოსკოვის ქმედებებს სრულ იგნორირებას უწევდა. ინფორმაციას ABC news-ი ავრცელებს.

„არ ვიცი, რუსეთს პრეზიდენტზე რა კომპტომატები შეიძლება ჰქონდეს – ესაა პოლიტიკური თუ პირადული. თუმცა, აშკარაა, რომ ტრამპს ამის იგნონირება სურს“,- ამბობს პელოსი.

პელოსის თქმით, ტრამპი რუსეთისთვის საჩუქარია.

„ის რუსეთისთვის საჩუქარია – იმისთვის, რომ NATO-ში ჩვენი წარმომადგენლობა შეამციროს, ასევე შეამციროს ჩვენი ჯარები გერმანიაში. ეს ყველა საჩუქარი კი პუტინს. აქ რაღაც ძალიან არასწორია და პასუხს მოითხოვს“,- ამბობს პელოსი.

შეგახსენებთ, რომ მანამდე The New York Times-მა გამოაქვეყნა ინფორმაცია, რომლის მიხედვითაც რუსეთმა თალიბანს  ავღანეთში ამერიკელი სამხედროების ლიკვიდაციისთვის საიდუმლოდ თანხის გადახდა შესთავაზა. ამის შესახებ კი დონალდ ტრამპმა იცოდა.