მოძრაობა და მხოლოდ მოძრაობა არის ქვეყნის ძალისა და სიცოცხლის მიმცემი და დღევანდელ უმძიმეს რეალობაში ჩვენი მთავარი დევიზიც სწორედ ილიას ეს სიტყვებია: მოძრაობა და მოძრაობა, – ამ სიტყვებით დაიწყო „ნაციონალური მოძრაობის“ თავმჯდომარემ ნიკა მელიამ პარტიის ახალი გუნდის პრეზენტაცია.

ნიკა მელიამ დღევანდელ პრეზენტაციაზე პარტიის ახალი სახეები წარადგინა, მათ შორის არიან:

ბარბარა ჯიმელი სულაშვილი – საქართველოს მოქალაქე, წარმოშობით შვეიცარიელი, რომელიც 2007 წლიდან საქართველოში ცხოვრობს და საგანმანათლებლო სფეროში მოღვაწეობს;

რეზო ჩომახიძე – ყოფილი წყალბურთელი და ეკონომიკური სფეროს სპეციალისტი;

ანა გოგოლაძე – საჯარო მმართველობის მაგისტრი;

სოფო ჯაფარიძე – ლექტორი, იმუშავებს ჯანდაცვის მიმართულებაზე ;

ნონა მამულაშვილი – საერთაშორისო ურთიერთობების დოქტორი;

ზვიად ქვლივიძე – ევროპული ბიზნეს ადმინისტრირებისა და ბიზნეს სამართლის მაგისტრი;

გიორგი თარგამაძე – ბიზნეს ადმინისტრირების მაგისტრი;

მანუჩარ ახალაია – სამართალმცოდნეობის მაგისტრი;

გიორგი ჩალაძე – იურისტი, მედიატორი;

ნიკა ობოლაძე – იურისტი

ბაჩო დოლიძე – პოლიტიკური მარკეტინგის მაგისტრი;

გიორგი ხვედელიანი – პოლიტიკური ეკონომიკის მაგისტრი.