სომხეთის პრემიერ-მინისტრის ნიკოლ ფაშინიანის მკვლელობის მომზადების ბრალდებით, სომხეთის ეროვნული უსაფრთხოების სამსახურის ყოფილი დირექტორი და ოპოზიციური პარტიის ლიდერი, არტურ ვანეციანი დააკავეს.
ამის შესახებ ადგილობრივი მედია წერს.
დაკავებულის ადვოკატის თქმით, ვანეციანს, ასევე, ბრალი ედება იარაღის, საბრძოლო მასალების, ასაფეთქებელი ნივთიერებების ან ასაფეთქებელი მოწყობილობების უკანონო შეძენა-შენახვა-ტარებასა და სახელმწიფო გადატრიალებისთვის მომზადება.
შეგახსენებთ, რომ ერევანში უკვე რამდენიმე დღეა აქციები მიმდინარეობს. მომიტინგეები ყარაბაღში ცეცხლის შეწყვეტის შესახებ შეთანხმების ხელმოწერის გამო, ქვეყნის პრემიერის გადადგომას მოითხოვენ.
