თურქეთი კულტურათაშორისი დიალოგის თანამედროვე სიმბოლოს ანადგურებს, რათა შემდგომში ის მეჩეთად გადააქციოს, – ამის შესახებ საბერძნეთის საგარეო საქმეთა მინისტრმა, ნიკოს დენდიასმა განაცხადა. ინფორმაციას mfa.gr ავრცელებს.
„ჩვენ პატივს ვცემთ თურქ ერს, თუმცა ცალსახად ვგმობთ თურქეთის მთავრობის პოლიტიკას, ისევე როგორც ამას მთელი ევროპა გმობს. ევროპა ხედავს, თუ როგორ ხდება ნეოოსმალური მახვილით აია-სოფიას მუზეუმის ხელახლა დაპყრობა. ამრიგად, თურქეთი კულტურათაშორისი დიალოგის თანამედროვე სიმბოლოს ანადგურებს, რათა შემდგომში ის მეჩეთად გადააქციოს. ჩნდება შთაბეჭდილება, რომ თურქეთი მე-15 ან მე-16 საუკუნეში ბრუნდება“, – განაცხადა საბერძნეთის საგარეო საქმეთა მინისტრმა.
შეგახსენებთ, რომ 10 ივლისს თურქეთის სახელმწიფო საბჭომ აია – სოფიას ტაძრის მეჩეთად გადაკეთების გადაწყვეტილება მიიღო.
