რუსმა ოკუპანტებმა 21 წლის ტატო ზარქუა დააკავეს. იგი ზუგდიდის მუნიციპალიტეტის სოფელ რიყეში, ნათესავებთან სტუმრად იმყოფებოდა.
ახალგაზრდის კვალი გუშინ დღის მეორე ნახევრის შემდეგ დაიკარგა და დღეს ნათესავებმა გაიგეს, რომ იგი ოკუპირებულ აფხაზეთში კერძოდ კი, გალის იზოლატორში იმყოფება.
„გუშინ გავიდა სახლიდან და არ დაბრუნებულა, გვეგონა დაიკარგა, დღეს კი გავიგეთ თურმე გალში, იზოლატორში იმყოფება. სხვა დამატებით არაფერი ვიცით, საოკუპაციო ძალები მას სავარაუდოდ, საზღვრის კვეთას ედავებიან“, – ამბობენ დაკავებულის ახლობლები.
„პრაიმტაიმს“ სუს-ში განუცხადეს, რომ უკანონო დაკავების ფაქტი ცხელი ხაზის საშუალებით ჯერ არ დასტურდება, თუმცა მიმდინარეობს ფაქტის გადამოწმება.
ავტორი: თეა შონია
