ოკუპირებული აფხაზეთის დე ფაქტო მთავრობა წითელი ჯვრის საერთაშორისო კომიტეტთან ერთად 1992-1993 წწ კონფლიქტში უგზო-უკვლოდ დაკარგულთა მოძიების სამუშაოებს ჩაატარებს. ამის შესახებ Apsadgil.info იუწყება.
სამუშაოები ოკუპირებული რეგიონის სხვადასხვა რაიონებში ჩატარდება. სპეციალისტები 30 ადგილზე გაამახვილებენ ყურადღებას, სადაც პოტენციური სამარხები არსებობს. ამ ადგილების შესახებ ინფორმაცია უგზო-უკვლოდ დაკარგულთა საკოორდინაციო მექანიზმის ფარგლებში შეგროვდა.
2010—2021 წლებში ოკუპირებულ აფხაზეთში 191 ცხედრის ამოცნობა მოხდა, მათგან 44 ოკუპირებულ რეგიონში დაასაფლავეს.
