ოკუპირებული “სამხრეთ ოსეთის” დე ფაქტო პრეზიდენტი ანატოლი ბიბილოვი სამუშაო ვიზიტით რუსეთის ფედერაციაში იმყოფება. ამის შესახებ გამოცემა ekhokavkaza იუწყება.
”მოსკოვში ანატოლი ბიბილოვს დაგეგმილი აქვს შეხვედრები რუსეთის ოფიციალურ წარმომადგენლებთან, სადაც განხილული იქნება, “სამხრეთ ოსეთის” რესპუბლიკასა და რუსეთის ფედერაციას შორის არსებული სოციალურ-ეკონომიკური თანამშრომლობის საკითხები, ასევე კორონავირუსული ინფექციის წინააღმდეგ ბრძოლის მეთოდები”, – ნათქვამია ekhokavkaza-ს მიერ გავრცელებულ ინფორმაციაში, პრესსამსახურის მიერ გავრცელებულ განცხადებაზე დაყრდნობით.
სააგენტო „Рес“ -ის ცნობით, ბოლო დღის განმავლობაში ოკუპირებულ “სამხრეთ ოსეთში” კორონავირუსის 35 ახალი შემთხვევაა გამოვლენილი. შემთხვევების საერთო რაოდენობაა 1582. ცხინვალში უკვე განლაგებულია რუსეთის სამხედრო საველე ჰოსპიტალი.
