შალვა პაპუაშვილის შეფასებით, ოპონენტების ინტერესში რჩება, რომ მელია საპატიმროში იყოს.
„ყველა გზა ხსნილია და ერთადერთი მიზეზი არსებობს, რის გამოც ნიკა მელია საპატიმროში იმყოფება. ერთი შესაძლებლობა არსებობს, რომ მან თანხმობა გამოთქვას გირაოს გადახდაზე და ამ შემთხვევაში, პროკურატურა მზად არის, სასამართლოს შუამდგომლობით მიმართოს და ამნისტიის სახით მეორე გზა არსებობს, რაზეც მათ უარი განაცხადეს. როგორც ჩანს, ჯერ მათ ინტერესებში რჩება, რომ ნიკა მელია საპატიმროში იყოს. აქ არის სწორედ უკომპრომისობა, სადაც ჩვენი კომპრომისები არაფერს არ წყვეტს“,- აღნიშნა შალვა პაპუაშვილმა.
ნიკა მელიას სასამართლო სხდომა გადაიდო. დღეს მოსამართლემ ადვოკატების შუამდგომლობა რომ ნაციონალური მოძრაობის თავმჯდომარეს პროცესებზე დასწრების შესაძლებლობა მიეცეს დააკმაყოფილა.
შესაბამისად მომდევნო სხდომა 13აპრილს დაინიშნა და მას ნიკა მელია დაესწრება. დღეს ოპოზიციის ლიდერის სასამართლოს სხდომა აქციის ფონზე მიმდინარეობდა, სასამართლოს ეზოში აქტივისტებთან ერთად მელიას თანაგუნდელებიც იმყოფებოდნენ.
