„ოპოზიცია თავს კი არ იკავებს მტკიცებულებების წარდგენისგან, უბრალოდ, მათ მტკიცებულებები არ აქვთ“,- ამის შესახებ პარლამენტის საგარეო ურთიერთობათა კომიტეტის თავმჯდომარემ, ნიკოლოზ სამხარაძემ განაცხადა.
მისი თქმით, ოპოზიციას არჩევნების გაყალბების მტკიცებულება რომ ჰქონდეს, მთელს მსოფლიოს აჩვენებდა.
„ოპოზიცია თავს კი არ იკავებს მტკიცებულებების წარდგენისგან, უბრალოდ, მათ მტკიცებულებები არ აქვთ! მათ რაიმე მტკიცებულებები რომ ჰქონდეთ, არა მხოლოდ დროებით საგამოძიებო კომისიაში, არამედ მერწმუნეთ, მთელს მსოფლიოში იქნებოდა ეს მტკიცებულებები ყველასთვის ნაჩვენები. ახლა მათი მთავარი პრობლემა არის ის, რომ არ აქვთ მტკიცებულებები და უბრალოდ, საკუთარი განცხადებების ტყვეობაში არიან”, – განაცხადა ნიკოლოზ სამხარაძემ.
