ოპოზიციის უფლებები ამხელა არ ყოფილა არასდროს, არცერთი წინა მოწვევის პარლამენტში,- ამის შესახებ პარლამენტის დამოუკიდებელმა წევრმა, თამარ ჩუგოშვილმა “დღის კურიერის“ ეთერში განცხადა.
“ოპოზიციის უფლებები ამხელა არ ყოფილა არასდროს, არცერთი წინა მოწვევის პარლამენტში. ოპოზიციის მანდატი, მით უმეტეს, საარჩევნო სისტემის შეცვლის ფონზე, ოპოზიციური დეპუტატების რაოდენობა გაიზარდა პარლამენტში და ამას დამატებული ცვლილებები, რომელიც ჩვენ მივიღეთ წინა მოწვევის პარლამენტში, პირადად მე ვმუშაობდი საქართველოს რეგლამენტზე და ჩემი დაწერილია ეს დოკუმენტი.
პარტიების რაოდენობრივადაც და მანდატების რაოდენობის კუთხითაც, ოპოზიცია, ვინც არ უნდა იყოს, ის იქნება ძალიან ძლიერი“,- თქვა თამარ ჩუგოშვილმა.
მისივე განცხადებით, ოპოზიცია უნდა შევიდეს პარლამენტში და სრულად გამოიყენოს ის სამართლებრივი მექანიზმები, რომელიც უდიდეს შესაძლებლობებს აძლევს პარტიებს საკანონმდებლო ორგანოში.
