ფრაქცია „შარლ მიშელის რეფორმების ჯგუფის“ წევრის, ტარიელ ნაკაიძის განცხადებით, პანსიონებში არსებული სიტუაცია იატაკქვეშეთშია გადასული.
„ცოტა განსხვავებული პერსპექტივით არსებობს მუსლიმური პანსიონები, რომელთა მიმართებაშიც გარკვეული საკანონმდებლო ბაზაც შექმნილია წინა მოწვევის პარლამენტის მიერ და წარმოადგენს გარკვეულ პრობლემატური თემას. ვიდრე პრობლემაში შევალთ, ხომ არ დაგვეთმო ამისთვის გარკვეული დრო.
მზად ვარ ნებისმიერ დროს მოგაწოდოთ ინფორმაცია თუ რა პირობებია იქ. ვფიქრობ, ამისთვის გარკვეული საკანონმდებლო ბაზა არის შესაქმნელი, რომელიც გაამარტივებს და თავის მხრივ, კონტროლის მექანიზმს შექმნის. გარკვეულწილად იატაკქვეშეთშია სიტუაცია გადასული და ვფიქრობ, ეს სწორი არ არის. ამას სჭირდება მსჯელობა“, – განაცხადა ნაკაიძემ.
შეგახსენებთ, ნინოწმინდის პანსიონატის ყოფილმა ბენეფიციარმა მედიასთან სკანდალური განცხადება გააკეთა. მისი თქით, პანსიონატში აღმზრდელები ბავშვებს სცემენ და შეურაცხყოფას აყენებენ. ასევე, მისი განცხადებით, თავად აღმზრდელები საუბრობნენ, რომ პანსიონის მმართველმა მეუფე სპირიდონმა ბავშვზე იძალადა და საქმე პროკურატურამ მიჩქმალა.
