საფრანგეთის დედაქალაქ პარიზში კორონავირუსთან დაკავშირებით განგაშის მაქსიმალური დონე ცხადდება და ახალი შეზღუდვები წესდება.
არსებული ინფორმაციით, სამშაბათიდან ორი კვირით იხურება ბარები. რესტორნებმა კი იმისთვის, რომ მუშაობის უფლება მიიღონ, ახალი სანიტარული ნორმები უნდა დაიცვან.
ცნობისთვის, განგაშის მაქსიმალური დონე მაშინ ცხადდება, როდესაც დაინფიცირების ახალი შემთხვევების რაოდენობა ყოველ 100 000 ხანდაზმულ მოსახლეზე 100-ს, ზოგად მოსახლეობაში კი 250-ს აღემატება.
