„ჩვენ დავტოვეთ სივრცე, რათა კარგად გაიაზრონ თავიანთი პასუხისმგებლობა ქვეყნისა და ამომრჩევლის წინაშე. კანონმდებლობის კუთხით არის აბსოლუტურად ლეგიტიმური“ – ამის შესახებ ფრაქცია „ქართული ოცნების“ თავმჯდომარის პირველმა მოადგილემ გივი მიქანაძემ ჟურნალისტებთან საუბრისას განაცხადა.
,,გუშინდელი გადაწყვეტილება პირველ რიგში საზოგადოების ინტერესებიდან მომდინარეობდა. ჩვენ დარწმუნებული ვართ, რომ კიდევ ბევრი პარტია შემოუერთდება საპარლამენტო საქმიანობას.
ჩვენ დავტოვეთ სივრცე, რათა კარგად გაიაზრონ თავიანთი პასუხისმგებლობა ქვეყნისა და ამომრჩევლის წინაშე. არაერთი სპეკულაცია იყო პარლამენტის ლეგიტიმურობაზე, ჩვენ დავიწყეთ მუშაობა, მივიღეთ რეზოლუცია, ამნისტიის კანონი, ერთადერთი კითხვის ნიშანი რჩება ბარიერთან მიმართებით.
პარლამენტი ყველა კანონმდებლობის კუთხით არის აბსოლუტურად ლეგიტიმური“, – განაცხადა გივი მიქანაძემ.
