საქართველოს პარლამენტი საკონსტიტუციო ცვლილებების განხილვას დღეიდან იწყებს. კონსტიტუციაში დაგეგმილი ცვლილებები პარლამენტის ბიუროს დღევანდელ სხდომაზე დაინიცირდება.
საკონსტიტუციო ცვლილებების განხილვაში ერთვება საპარლამენტო ოპოზიციაც. მათი განცხადებით, აღნიშნული ცვლილებები შარლ მიშელის დოკუმენტშია გაწერილი. ოპოზიციის წარმომადგენლების თქმით, მმართველ გუნდთან პრინციპულ საკითხებზე შეთანხმება მიღწეულია.
19 აპრილს ხელმოწერილი დოკუმენტის მიხედვით, მომდევნო საპარლამენტო არჩევნები ორპროცენტიანი ბარიერით უნდა ჩატარდეს, ასევე შემცირდება ფრაქციის შექმნისთვის საჭირო დეპუტატთა რაოდენობა და შვიდის ნაცვლად, ოთხი კანონმდებლის გაერთიანებაც საკმარისი იქნება, ასევე შეიცვლება გენერალური პროკურორის არჩევის წესი. სამივე საკითხს კონსტიტუციაში ცვლილებების შეტანა სჭირდება.
