„ევროპული საქართველოს“ ერთ-ერთი წევრის, გიგი უგულავას განმარტებით, ოპოზიციური პარტიების ძირითადი ნაწილი მზად არის, რომ პარლამენტში არ შევიდეს. ამის შესახებ მაჟორიტარობის კანდიდატმა „ლეიბორისტული პარტიის“ ოფისში გამართული შეხვედრის შემდეგ განაცხადა.
„პარტიების ნაწილი დღესვეა მზად, რომ არ მიიღოს მონაწილეობა პარლამენტში და არ შევიდეს პარლამენტში. პარტიებმა ზოგადად მაქსიმუმ 1 დღე აიღეს იმისთვის, რომ შიდა კონსულტაციები ჩატარდეს, თუმცა ძირითადი უმრავლესობა იხრება იმისკენ, რომ არ შევიდეს პარლამენტში და ივანიშვილი დარჩეს საკუთარ თავთან მარტო და იყოს იმ პარლამენტში როგორც თურქმნებაში და ვნახავთ სადამდე გაგრძელდება ეს ტაკიმასხარობა.
„ევროპული საქართველო“ ვთვლით, რომ ეს არ იყო არჩევნები. საბოლოო პოზიცია ჩამოყალიბდება დღეს ან ხვალ. მე არ ვარ იმ 5 ადამიანში, ვინც შეიძლება გავიდეს, მე ვიყავი მარტო მაჟორიტარი, მე პირადად ამ პარლამენტში არ შევიდოდი“,- განაცხადა გიგი უგულავამ.
ცესკოს წინასწარი პირველადი მონაცემებით, „ქართულ ოცნებას“ ხმების 48,12%%, „ნაციონალურ მოძრაობას“ 26,94%, ხოლო „ევროპულ საქართველოს“ 3,79% აქვს.
ცნობისთვის, ოპოზიცია დღეს არჩევნების შედეგებთან დაკავშირებით აქციის გამართვას გეგმავს.
ყველა ინფორმაცია საპარლამენტო არჩევნებთან დაკავშირებით ნახეთ ამ ბმულზე
