მე იმისთვის არ ვზივარ იმ მაგიდასთან, რომ ვიღაცამ თითი მიქნიოს, ასე უპასუხა კითხვას თაკო ჩარკვიანმა “რატომ გადაუარა“ ნინო ბურჯანაძეს. თუმცა მისი თქმით, არავითარი პიროვნული დაპირისპირება ნინო ბურჯანაძესთან არ არსებობს.
„ისედაც სიმწრით ვართ შეკოწიწებული. ჩვენ გვაერთიანებს ერთი რამ: გაყალბებული არჩევნები და არაფერი სხვა. ჩვენ აუტანლობა შეიძლება გვქონდეს ვექტორალური, მაგრამ ჩვენ ერთად ვსხედვართ კონსტიტუციური უფლების დარღვევის გამო, ეს არის ხმის უფლება.
რომ არ შევდივართ პარლამენტში, ეს არის ჩვენი სტრატეგია და უდიდესი შედეგი,-თქვა ჩარკვიანმა. ამასთან ხაზი გაუსვა იმას, რომ პარლამენტში „გირჩის“ და „მოქალაქეების“ წევრები აპირებენ შესვლას.
მე მგონია, რომ თქვენ ჩემზე ადრე შეხვალთ… – უპასუხა ჩარკვიანის რეპლიკას იაგო ხვიჩიამ და იქვე მიმართა კითხვით: „რატომ ვარ მე და ეს (ლევან იოსელიანი) ეჭვმიტანილები თქვენს თვალში, რა გავაკეთე მე ისეთი, რომ თქვენ ბედავთ, ჩემს პატიოსნებაში ეჭვი შეიტანოთ“
თქვენ ხუთი წუთის წინ დამნაშავეები უწოდეთ ოპოზიციის წარმომადგენლებს, ვინც პარლამენტში არ შედიან. აგეთ პასუხი იმისთვის, რატომ გვიწოდეთ ოპოზიციონერებს, რომლებიც პარლამენტსი არ სედიან, დამნაშავეები,“- უპასუხა კითხვას ჩარკვიანმა.
იაგო ხვიჩიამ კი განმარტა, რომ მან მისთვის არ უწოდებია დამნაშავე და თქვა, დიახ, დანაშაული იქნება, თუ ამ პირობით არ შევალთ პარლამენტში.
ამ ქვეყანაში რომელ პოლიტიკოსს შეიძლება ჰქონდეს ეჭვი ჩემზე, რომ პოლიტიკურად მე ვარ იუდა და თვითონ ანგელოზია“,-დასძინა იაგო ხვიჩიამ.
