ენგურის ხიდიდან,საოკუპაციო ხაზიდან გადმოაბრძანეს ადხაზეთიდან დაბრუნებული ღვთისმშობლის ხატი.
ხატის დაბრუნების და ხიდთან გადმობრძანების პროსესს „პატრიოტთა ალიანსის“ ლიდერები და აქტივისტები ესწრებოდნენ. ამ ხატს თბილისის მიმართულებით სასულიერო პირები მიაბრძანებენ, თბილისამდე კი სავარაუდოდ ქუთაისში ბაგრატის ტაძარში დააბრძანებენ.
საქართველოს პარლამენტის ვიცე-სპიკერმა ირმა ინაშვილმა და მისმა თანაპარტიელმა, გიორგი ლომიამ ოკუპირებულ აფხაზეთში, ილორის მონასტერში ღვთისმშობლის ხატი რამდენიმე კვირის წინ ჩააბრძანეს.
ცნობისთვის, აფხაზებმა ენგურის ხიდამდე ღვთისმშობლის ხატი რამდენიმე დღის წინ მოაბრძანეს. მანამდე ხატის დაბრუნების შესახებ განცხადება დე ფაქტო აფხაზეთის მართლმადიდებელმა ეკლესიამაც გაავრცელა და აღნიშნა, რომ მსგავსი აქციები მიუღებელია, სანამ ქართული ეკლესია აფხაზური ეკლესიის დამოუკიდებლობას არ აღიარებს.
ავტორი: თეა შონია
