ნიშანდობლივია, რომ „პატრიოტთა ალიანსიც“ არ აპირებს შევიდეს ამ პარლამენტში, – ამის შესახებ „ევროპული საქართველოს“ ერთ-ერთი ლიდერი, გიგი უგულავა აცხადებს.

„საზოგადოებისთვის ძალიან ნიშანდობლივი უნდა იყოს, რომ „პატრიოტთა ალიანსიც“ კი, რომელიც ხშირ შემთხვევაში ახმოვანებდა ხოლმე „ქართულ ოცნებას“ მთელი ამ 8 წლის განმავლობაში, აღმოჩნდა მყარი და მკაფიო ამ საკითხში. „ქართული ოცნება“ თავის თავთან დატოვა მარტო“, – განაცხადა უგულავამ.

შეგახსენებთ, ოპოზიციური პარტიების წარმომადგენლებმა ერთობლივი განცხადება მოამზადეს, სადაც აღნიშნულია, რომ ისინი საპარლამენტო მანდატებზე უარს ამბობენ.

ყველა ინფორმაცია საპარლამენტო არჩევნებთან დაკავშირებით ნახეთ ამ ბმულზე