საქართველოს ფეხბურთის ფედერაცია „საბურთალოს“ ახალგაზრდა ფეხბურთელის გარდაცვალების გამო მწუხარებას გამოთქვამს.
ქართული ფეხბურთის მმართველმა ორგანომ გიორგი შაქარაშვილის ოჯახს და მეგობრებს სამძიმარი გამოუცხადა.
„საქართველოს ფეხბურთის ფედერაცია ღრმა მწუხარებას გამოთქვამს საფეხბურთო კლუბ „საბურთალოს“ ასაკობრივი გუნდის ფეხბურთელის, გიორგი შაქარაშვილის გარდაცვალების გამო. 19 წლის ფეხბურთელი ოთხდღიანი უწყვეტი საძიებო სამუშაოების შედეგად მყვინთავებმა გარდაცვლილი იპოვეს.
საქართველოს ფეხბურთის ფედერაცია უსამძიმრებს და თანაგრძნობას უცხადებს გიორგი შაქარაშვილის ოჯახის წევრებსა და ახლობლებს, კლუბს და მთელ საფეხბურთო ოჯახს.“ – ნათქვამია განცხადებაში.
შეგახსენებთ, რომ 4-დღიანი სამძებრო სამუშაოების შემდეგ „საბურთალოს“ ახალგაზრდა ფეხბურთელი წყალში დამხრჩვალი იპოვეს.
