პარტია „ლელო-საქართველოსთვის“ პოლიტიკური საბჭოს ერთ-ერთი წევრი ფიქრია ჩიხრაძე მაჟორიტარობისთვის იბრძოლებს. ამის შესახებ „პრაიმტაიმნიუსისთვის“ გახდა ცნობილი. როგორც ჩიხრაძემ სააგენტოსთან განაცხადა, დღის ბოლოს იქნება მიღებული გადაწვეტილება, თბილისში იყრის კენჭს თუ რეგიონში.
„მე მაჟორიტარობის კანდიდატი აუცილებლად ვიქნები. ჩვენ ხვალ გვექნება მაჟორიტარების წარდგენა. კენჭს ვიყრი თბილისში თუ რეგიონში, ეს გადაწყვეტყილება პარტიის მიერ დღის ბოლოს იქნება მიღებული“,- განაცხადა ჩიხრაძემ.
კითხვაზე, მიღებულია თუ არა გადაწყვეტილება, ვინ იქნება „ლელოს“ სიის პირველი ნომერი? ჩიხრაძე გვპასუხობს:
„ჯერ არ არის მიღებული გადაწვეტილება. სიებთან დაკავშირებით, დაახლოებით, ერთი თვის მერე დაიწყება საუბარი. რაც შეეხება მამუკა ხაზარაძეს, მამუკა პარტიის თავმჯდომარეა და დიდი მარჩიელობა არ სჭირდება იმას, რომ შესაძლოა, ის სიის პირველი ნომერი იყოს“,- განაცხადა ჩიხრაძემ.
ინფორმაციისთვის, პარტია „ლელო საქართველოსთვის“ მაჟორიტარობის კანდიდატებს ხვალ წარადგენს.
იმ შემთხვევაში, თუ კორონავირუსის პანდემიამ დღის წესრიგი არ შეცვალა, საპარლამენტო არჩევნები 2020 წლის 31 ოქტომბერს გაიმართება. არჩევნების შემდეგ, პარლამენტი 30 მაჟორიტარით და 120 – პროპორციულ სიაში შესული შესული დეპუტატით დაკომპლექტდება.
ავტორი: ეკატერინე ზარნაძე
