ქალაქ ოლდსმარში (ფლორიდა) ჰაკერმა სასმელი წყლის მოწამვლა სცადა. ინფორმაციას ამის შესახებ BBC-ი ავრცელებს.
გამოცემის ინფორმაციით, ჰაკერმა ოლდსმარის წყლის გაწმენდის სისტემაში შეღწევა მოახერხა და ნატრიუმის ჰიდროქსიდის რაოდენობის გაზრდას ცდილობდა.
თუმცა, ორგანიზაციის ოპერატორმა ქმედება დააფიქსირა და ნატრიუმის ჰიდროქსიდის დონე შეამცირა.
ცნობისთვის, ნატრიუმის ჰიდროქსიდის გადაჭარბებულმა რაოდენობამ შეიძლება კანისა და თვალების გაღიზიანება გამოიწვიოს. ასევე, პირის ღრუს, ყელისა და კუჭის დაზიანება, ღებინება და დიარეა.
ჯერჯერობით პოლიციას არავინ დაუკავებია. უცნობია ისიც, თუ საიდან განხორციელდა ჰაკერული შეტევა.
