საქართველოს ყოფილი პრემიერ-მინისტრი გიორგი კვირიკაშვილი სასტუმრო „რედისონთან“ გამოჩნდა, სადაც ევროპარლამენტარი ანა ფოტიგა ოპოზიციის წარმომადგენლებთან შეხვედრას მართავდა.
ჟურნალისტებმა გიორგი კვირიკაშვილს კითხვა მიხეილ სააკაშვილის შესახებ დაუსვეს, რაზეც ყოფილმა პრემიერმა პასუხი არ გასცა.
„არ ვაკეთებ პოლიტიკურ კომენტარებს“, – განუცხადა გიორგი კვირიკაშვილმა ჟურნალისტებს.
ცნობისთვის, ევროპარლამენტარ ანა ფოტიგას „რედისონში“ პარტია „საქართველოსთვის“ წევრები და ოპოზიციონერი პოლიტიკოსი სალომე სამადაშვილი შეხვდნენ.
