„ლელოს“ წევრი დავით უსუფაშვილი ჟურნალისტებთან საუბრისას განმარტავს, თუ როდის შევა პარლამენტში.
მისივე თქმით, სხდომებში მონაწილეობა და ამ პროცესში ჩართვა, პოლიტპატიმრების თემასთან დაკავშირებულია.
„ეს თემა ძალიან საინტერესოა. ასე დამკვიდრდა, თითქოს სადღაც შევდივარ. არსად არ შევდივარ, მე იქიდან ვერ გამოვედი, ანუ პარლამენტის წევრები დღესაც ყველას ჰქვია არჩეულებს. რაც შეეხება სხდომებში მონაწილეობას და უშუალოდ ამ პროცესში ჩართვას, ეს დაკავშირებულია პოლიტპატიმრების თემასთან. ეს თუ იქნება უკიდურესად აუცილებელი სწორედ ამ პრობლემის მოსაგვარებლად, მზად ვარ, რომ პარლამენტის შენობაშიც მივიდე და ბევრ შენობაშიც. რაც შეეხება სრულფასოვნად საპარლამენტო საქმიანობის დაწყებას, ეს დამოკიდებულია ამ ნაბიჯებზე“, – განაცხადა დავით უსუფაშვილმა.
