WHO-ს მიერ კორონავირუსის პანდემიის წარმოშობის შესწავლა აბსოლუტურად შელამაზებული გამოძიება იქნება,- ამის შესახებ აშშ-ის სახელმწიფო მდივანმა, მაიკ პომპეომ განაცხადა. ინფორმაციას BBC-ი ავრცელებს.
პომპეო ჩინეთს კორონავირუსის გავრცელების შესახებ ინფორმაციის დამალვაში ადანაშაულებს.
მისი განცხადებით, ამ შეცდომის გამო 100 ათასზე მეტი ამერიკელი დაიღუპა, ხოლო გლობალურ ეკონომიკას კი პანდემიამ ტრილიონობით დოლარის ზარალი მოუტანა.
„ახლა კი ჩინეთი ჯანდაცვის მსოფლიო ორგანიზაციას ნებას რთავს ჩაატაროს ის, რასაც მე აბსოლუტურად შელამაზებულ გამოძიებას ვუწოდებ“, – აღნიშნა პომპეომ.
შეგახსენებთ, რომ WHO კორონავირუსის წარმოშობის შესწავლის მიზნით, ჩინეთში სამუშაო ჯგუფს გზავნის.
