„მოქალაქეების“ საბურთალოს მაჟორიტარი ალეკო ელისაშვილი აცხადებს, რომ 2020 წლის არჩევნებზე მისი პოლიტიკური გუნდის, პრემიერობის კანდიდატი ლევან იოსელიანი იქნება.
ეს განცხადება ელისაშვილმა „ტვ პირველის” ეთერში გააკეთა.
“ჩვენი ხმები თუ იქნება გადამწყვეტი და ჩვენ თუ ძალიან ღონივრად ვიქნებით იქ, ჩვენი პრემიერობის კანდიდატი იქნება ლევან იოსელიანი”, – აცხადებს ალეკო ელისაშვილი.
ლევან იოსელიანი 2019 წელს სამოქალაქო მოძრაობის სახელით კენჭს მთაწმინდის მაჟორიტარობის კანდიდატად იყრიდა.
