კრემლმა უარყო აშშ-ს ეროვნული უსაფრთხოების საკითხებში დონალდ ტრამპის ყოფილი მრჩევლის, ჯონ ბოლტონის განცხადება – პუტინი თვლიდა, რომ მას დონალდ ტრამპით მანიპულირება შეუძლია და ფიქრობს, რომ „ტრამპზე, როგორც ვიოლინოზე ისე დაუკრავს“.
ინფორმაციას ამის შესახებ Reuters-ი ავრცელებს.
ჟურნალისტების კითხვას, რას ფიქრობდა ამ საკითხზე, რუსეთის პრეზიდენტის პრესმდივანმა, დიმიტრი პესკოვმა ასე უპასუხა:
„არა, პუტინი ტრამპზე, როგორც ვიოლინოზე ვერ დაუკრავს“.
დიმიტრი პესკოვის განცხადებით, ვლადიმერ პუტინი არ მიიჩნევს, რომ დონალდ ტრამპი მანიპულირებას ექვემდებარება.
