რუსეთის პრეზიდენტი ვლადიმერ პუტინი აცხადებს, რომ კორონავირუსის პანდემიას აშშ-ზე უკეთ უმკლავდება და ამ სიტუაციიდან რუსეთი „მინიმალური დანაკარგებით გამოდის.

პუტინი ამბობს, რომ რუსეთში მინისტრები ერთ გუნდად მუშაობენ, ხოლო ამერიკაში საქმე სხვაგვარადაა – პრეზიდენტი ერთს ამბობს, გუბერნატორები კი სხვას.

„გარკვეული დანახარჯების, პრობლემების, დანაკარგების პირობებში, ჩვენ მაინც საკმაოდ რიტმულად, ასე რომ ვთქვათ, ვმუშაობთ და კორონავირუსთან დაკავშირებული სიტუაციიდან საკმაოდ თავდაჯერებულად, მინიმალური დანაკარგებით გამოვდივართ”, – განაცხადა პუტინმა.

14 ივნისის მონაცემებით, რუსეთში COVID-19-ის  528 267 შემთხვევაა გამოვლენილი, ხოლო ვირუსის შედეგად 6 938 გარდაიცვალა.

ამასთან, კორონავირუსის დადასტურებული შემთხვევების რაოდენობით რუსეთი მსოფლიოში მესამე ადგილზეა, აშშ – პირველზე.