დუმის დეპუტატებმა პირველი მოსმენით მიიღეს კანონპროექტი, რომლის თანახმადაც, რუსეთის ექსპრეზიდენტი ხელშეუხებელი ხდება, ხოლო მოქმედი პრეზიდენტი თანამდებობიდნა წასვლის შემდეგ მუდმივ სენატორად რჩება.
ახალი კანონპროექტი ცვლის უკვე არსებულ წესრიგს. არსებული კანონით შეუძლებელია ყოფილ პრეზიდენტს სისხლის სამართლებრივი ან ადმინისტრაციული პასუხისმგებლობა დაეკისროს მის მიერ პრეზიდენტის პოსტზე ყოფნისას ჩადენილ დანაშაულზე. არ შეიძლება ექსპრეზიდენტის დაკავება, დაპატიმრება, ჩხრეკა, დაკითხვა თუ საქმე ეხება მისი პრეზიდენტობის პერიოდში მომხდარ ამბავს. ახლა კი, ექსპრეზიდენტის მიერ ჩადენილი უკანონო ქმედების ვადების გამორიცხვა იგეგმება.
ასევე, იცვლება იმუნიტეტის ჩამორთმევის პროცედურა. ამ ეტაპზე ექსპრეზიდენტი დაკარგავს იმუნიტეტს, თუ მის წინააღმდეგ სახელმწიფო მეთაურის პოზიციაზე ყოფნისას ჩადენილ დანაშაულზე სისხლის სამართლის საქმე აღიძვრება. პროცედურა საგამოძიებო კომიტეტის თავმჯდომარემ უნდა დაიწყოს, ამისთვის კი, ვალდებულია, შესაბამისი დოკუმენტები სახელმწიფო სათათბიროს გაუგზავნოს.
ახალი კანონპროექტის თანახმად კი, ყოფილი პრეზიდენტისთვის ხელშეუხებლობის უფლების ჩამორთმევა მხოლოდ ფედერაციის საბჭოს შეუძლია და მხოლოდ სახელმწიფო სათათბიროს მიერ ღალატის ან სხვა რამე მძიმე დანაშაულის ბრალდების საფუძველზე.
ფედერაციის საბჭოს გადაწყვეტილება პრეზიდენტის თანამდებობიდან მოხსნის ან ყოფილი პრეზიდენტისთვის იმუნიტეტის ჩამორთმევის შესახებ არაუგვიანეს სამი თვის ვადაში უნდა მიიღონ. წინააღმდეგ შემთხვევაში აღარ განიხილება.
გარდა ამისა, პუტინმა ნოემბრის დასაწყისში, სახელმწიფო დუმაში შეიტანა კანონპროექტი, რომლის თანახმადაც პრეზიდენტის საკუთარი უფლებამოსილების შეწყვეტის შემდეგ იღებს სენატორის უვადო სტატუსს
