„მტკიცებულებებს ვიცნობ, რაც მოვაგროვეთ და ამ მტკიცებულებებიდან ვამბობ, რომ ჩვენ შეგვიძლია, ვიყოთ მშვიდად, საქართველო დავებს არ წააგებს”- ამის შესახებ საქართველოს იუსტიციის მინისტრმა, თეა წულუკიანმა საერთაშორისო სასამართლოებში რუსეთ-საქართველოს ომის განხილვის შესახებ ისაუბრა.
მინისტრის თქმით, ვერც ქართული ჯარი, ვერც საქართველოს სახელმწიფო და ქართველი ხალხი, ვერც სტრასბურგში და ვერც ჰააგაში დავებს ვერ წააგებს, რადგან სიმართლე არის საქართველოს მხარეს.
„ქართველ ჯარისკაცს შეუძლია იყოს მშვიდად, სახელმწიფოს და ხალხს, ჩვენი ქვეყნის ტერიტორიული მთლიანობის მომავალს შეუძლიათ იყვნენ მშვიდად, რადგან ჩვენ ამ დავებს აუცილებლად მოვიგებთ.
სააკაშვილს აქვს შიში, რომ ჰააგაში დავას წააგებს. სააკაშვილი და მისი სიის პირველი ნომერი, ბაქრაძე ამბობს, თურმე ქართველი ხალხის ინტერესის ხარჯზე კომპრომისების გზით უვლიათ.
გოკა გაბაშვილმა, გიორგი კანდელაკმა და სხვებმა ომის შემდგომ რეზოლუციას უყარეს კენჭი, სადაც ითქვა, თურმე საქართველოს ბრალია ყველაფერი და არა სხვისი, ეს რეალურად მოღალატეობრივი საქმიანობაა.”- განაცხადა წულუკიანმა.
