„უნდა გვახსოვდეს პასუხისმგებლობა ჩვენი პარტნიორების წინაშე“,- ამის შესახებ უმრავლესობის წევრმა, გია ვოლსკიმ მეათე მოწვევის პარლამენტის სხდომსი დაწყებამდე განაცხადა.
„უნდა გვახსოვდეს პასუხისმგებლობა ჩვენი პარტნიორების წინაშე. პრაქტიკულად არც ერთი სტრუქტურა და ქვეყანა არ დარჩენილა, რომელმაც ლეგიტიმურად არ აღიარა არჩევნები, მაგრამ არის კიდევ მეორე მომენტი. ისინი პოლიტიკურ ასპექტსაც ითვალისწინებენ. მინდა ხაზი გავუსვა იმ უმძიმეს მდგომარეობას, რაც შექმნილი რეგიონში და საქართველო არის მყარი დასაყრდენი, რომლის შერყევასაც ცდილობენ ოპონენტები დღეს. ვინ წისქვილზე ასხამენ წყალს, თავად განსაჯეთ“,- განაცხადა გია ვოლსკიმ.
დღეს მეათე მოწვევის პარალამენტის პირველი სხდომა გაიმართება. სხდომის პარალელურად, პარლამენტთან აქცია მიმდიანრეობს. ამასთან, დღეს ოპოზიციური პოლიტიკური პარტიები პარლამენტში უფლებამოსილების შეწყვეტასა და პარტიულ სიებთან დაკავშირებით მემორანდუმს მოაწერენ ხელს.
