ცოტა ხნის წინ, ქუთაისის ცენტრალურ მოედანზე ხმაური იყო. ერთმანეთს აქციის მონაწილეები და მერიის ზედამხედველობის სამსახურის წარმომადგენლები დაუპირისპირდნენ.
ამ წუთებში კი, მერიის შენობასთან ათობით პოლიციელია მობილიზებული. მათ მერიის შესასვლელთან ცოცხალი ჯაჭვი აქვთ გაკეთებული.
აქტივისტები მერიის მიმდებარე ტერიტორიაზე ე.წ. სტიკერებს აკრავდნენ, რომელზეც ბიძინა ივანიშვილი იყო გამოსახული. ხმაურიც სწორედ, ამას მოჰყვა.
ტერიტორია კულტურული მემკვიდრეობის დაცვის არეალს წარმოადგენს. აქტივისტები აკრძალვას არ დაემორჩილნენ და სტიკერები მაინც გააკრეს.
მომხდარი ადმინისტრაციულ სამართალდარღვევათა კოდექსის 150-ე მუხლით რეგულირდება, რაც 1000 ლარიან ჯარიმას ითვალისწინებს.
ავტორი:კესო მოლაშხია
