“რატომ სურს ნიკა მელიას ან მის თანამოაზრეებს, რომ დამატებითი სპექტაკლები გათამაშდეს, ჩემთვის გაუგებარია”, – ამის შესახებ ჟურნალისტებთან ადამიანის უფლებათა კომიტეტის თავმჯდომარე მიხეილ სარჯველაძემ განაცხადა.
ის გამოეხმაურა ინფორმაციას, რომ „ლელო“ ბრიუსელში შეხვედრებს მართავს, სადაც მელიასთვის ევროპარლამენტარების თავდგებში დადგომის საკითხი განიხილება.
„ეს {ევროპარლამენტარების თავდებოდა } შეთანხმებასთან დაკავშირებით დამატებითი, ახალი დისკუსიის გახსნის რისკს იძლევა, რაც არც ერთი თვალსაზრისით გამართლებული არ არის… რატომ სურს ნიკა მელიას ან მის თანამოაზრეებს, რომ ამ თემაზე რაღაც დამატებითი სპექტაკლები გათამაშდეს, ჩემთვის გაუგებარია. თუ ვინმეს მიზანია მისი გათავისუფლება ისე, რომ ეს რომელიმე პოზიციის გამარჯვებად არ ჩაითვალოს, ამის გარანტია შეთანხმებით მოხდა და ამ ფონზე დამატებითი მცდელობები მაინცდამაინც კეთილსინდისიერი მოტივებით ნაკარნახევი არ უნდა იყოს,“ – განაცხადა სარჯველაძემ.
