ქართველი რეჟისორი, ერმალო მაღრაძე გარდაიცვალა. ამის შესახებ ინფორმაციას მისი მეუღლე, მანანა ხიდაშელი ავრცელებს.

როგორც ხიდაშელი წერს, რეჟისორი გუშინ საღამოს გარდაიცვალა.​

„აღარ მყავს ჩემი ერმალო, წუხელ დამიკარგავს.. რაღა მეშველება მის გარეშე. დატირებაც რომ არ შემიძლია“,- წერს მისი მეუღლე.

ერმალო მაღრაძე კორონავირუსის დიაგნოზით ინტენსიურ განყოფილებაში მკურნალობდა.

ერმალო მაღრაძე 79 წლის იყო. მან გადაიღო ისეთი ფილმები, როგორიცაა „მგლის ფსიქოლოგია“, „გზააბნეულნი“, „აპოკალიფსი არ იქნება“, „შვეციის პრინცი იმერეთიდან“. ამ ფილმებმა განსაკუთრებული პოპულარობა ბოლო წლებში მოიპოვეს.