2-3 სექტემბერს საქართველოში მოსალოდნელია წვიმა ელჭექით, ზოგან ძლიერი, დროგამოშვებით იქროლებს დასავლეთის მიმართულების ძლიერი ქარი, შესაძლებელია სეტყვა. ზღვაზე 4-5 ბალიანი შტორმი. ინფორმაციას გარემოს ეროვნული სააგენტო ავრცელებს.

„დასავლეთ საქართველოში მნიშვნელოვნად დაიკლებს ჰაერის ტემპერატურა. მოსალოდნელმა ძლიერმა ნალექებმა შესაძლებელია საქართველოს პატარა მდინარეებზე წყალმოვარდნები, ხოლო ქვეყნის მთიან ზონებში მეწყრული პროცესების ჩასახვა-გააქტიურება გამოიწვიოს,“ – აღნიშნულია ინფორმაციაში.

პირველი სექტემბრის ამინდის პროგნოზი კი ასეთია:

ხვალ ბათუმსა და ფოთში 28 გრადუსი სითბო იქნება.

+28 გრადუსია მოსალოდნელი სოხუმშიც.

ზუგდიდში ჰაერი 30 გრადუსამდე გათბება.

+30 გრადუსია ნავარაუდევი ახალციხეშიც.

+32 გრადუსი სიცხე იქნება ქუთაისში.

ლენტეხში +29, ცაგერსა და ამბროლაურში კი +28 გრადუსია მოსალოდნელი.

+31 გრადუსამდე გათბება ჰაერი ცხინვალში.

გორში +33 გრადუსი სიცხეა ნავარაუდევი.

+35 გრადუსი იქნება თბილისში.

რუსთავში 36 გრადუსი სიცხეა მოსალოდნელი.

32 გრადუსამდე გათბება ჰაერი თელავსა და სიღნაღში, ხოლო ყვარელში +34 გრადუსია ნავარაუდევი.