გავრცელებული ინფორმაციით, რუსეთის რამდენიმე რეგიონში ვეტერინარულ კლინიკებში კორონავირუსის წინააღმდეგ შინაური ცხოველების ვაქცინაცია დაიწყო. ინფორმაციას dailymail-ი ავრცელებს.
მარტში რუსეთში განაცხადეს, რომ მათ კორონავირუსის საწინააღმდეგო უპრეცედენტო ვაქცინა დაარეგისტრირეს ცხოველებისთვის, სახელად Carnivac-Cov.
რუსული მედიის ცნობით, Carnivac-Cov-ი ცხოველთა ჯანმრთელობის ფედერალური ცენტრის მიერ შეიქმნა.
„კორონავირუსის ანტისხეულები ვაქცინირებული ცხოველების 100%-ს განუვითარდა“,- განაცხადა რუსეთის ვეტერინარული და ფიტოსანიტარული ზედამხედველობის ფედერალური სამსახურის ხელმძღვანელმა, კონსტანტინე სავენკოვმა.
