რუსეთის უსაფრთხოების ფედერალურმა სამსახურმა (ეფესბე) სანკტ-პეტერბურგში უკრაინის გენერალური საკონსულოს კონსული ალექსანდრ სოსონიუკი დააკავა. ამის შესახებ უცხოური მედია წერს.
გამოცემის ცნობით, უკრაინის კონსული ჯაშუშობის ბრალდებით დააკვეს.
დიპლომატი 16 აპრილს დააკავეს, როდესაც ის რუსეთის მოქალაქეს შეხვდა, რათა მისგან „სამართალდამცავი ორგანოების მონაცემთა ბაზაში შენახული დახურული ხასიათის ინფორმაცია მიეღო“.
„მსგავსი საქმიანობა შეუთავსებელია დიპლომატიურ სტატუსთან და რუსეთის წინააღმდეგ მტრულ ხასიათს ატარებს“, – აცხადებენ „ეფესბეში“.
მათივე ინფორმაციით, ალექსანდრ სოსონიუკის მიმართ საერთაშორისო სამართლის ნორმებით გათვალისწინებული ზომები იქნება მიღებული.
