საქსტატის თანახმად, გასულ თვეს შრომისუნარიანი ასაკის მამაკაცის საარსებო მინიმუმი 189.6 ლარს შეადგენდა, მაშინ როცა აპრილში ეს მაჩვენებელი 199.6 ლარი იყო.
2019 წლის ანალოგიურ პერიოდთან შედარებით კი, მაისში შრომისუნარიანი ასაკის მამაკაცის საარსებო მინიმუმი 50 თეთრით არის შემცირებული. კერძოდ, 2019 წლის მაისში ეს მონაცემი 190.1 ლარს შეადგენდა.
სტატისტიკის ეროვნული სამსახურის ინფორმაციით, მაისში აპრილთან შედარებით 16.8 ლარით შემცირდა საშუალო ოჯახის საარსებო მინიმუმიც და 318 ლარი გახდა. აღსანიშნავია, რომ საშუალო ოჯახის საარსებო მინიმუმი 2019 წლის მაისის მონაცემთან შედარებით, 90 თეთრით არის შემცირებული.
