ეკონომიკის მინისტრის, ნათია თურნავას განცხადებით, ქვეყანაში სამედიცინო ჟანგბადების მოთხოვნა გაიზარდა, თუმცა სამინისტრო სხვადასხვა სამუშაოს ატარებს, რათა ქვეყანაში ჟანგბადის დეფიციტი არ შეიქმნას.
„საბჭოს დავალებით ეკონომიკის სამინისტრო ჩაერთო საქართველოში სამედიცინო ჟანგბადის წარმოების სიმძლავრეების გაზრდის ხელშეწყობაში და ასევე მარაგების შექმნის თვალსაზრისით. პრაქტიკულად სამჯერ გაზრდილია ჟანგბადის მოხმარება სამედიცინო დაწესებულების მიერ, კერძოდ 80 ტონას აჭარბებს დღეში სამედიცინო ჟანგბადის მოხმარება. ჩვენ ვმუშაობთ, რომ არ შეიქმნას არანაირი დეფიციტი. მინდა დავამშვიდო მოსახლეობა, რომ არანაირი დეფიციტი ამ მიმართულებით არ შეიქმნება“,- განაცხადა ნათია თურნავამ.
