ამ წუთებში მეტრო ავლაბრის მიმდებარე ტერიტორიაზე „ნაციონალურ მოძრაობის“ მხარდამჭერები აქციას მართავენ. მათი მთავარი მოთხოვა მიხეილ სააკაშვილის სამოქალაქო კლინიკაში გადაყვანაა.
აქციის მონაწილეები მტკვრის მარჯვენა და მარცხენა სანაპიროს გადაკეტვასაც გეგმავენ.
“სანაპირო 2 საათით იქნება ჩაკეტილი და ტყუილად ნუ ავრცელებს რაღაც განცხადებებს შსს. პოლიცია ვალდებულია მანიფესტანტების უფლებები დაიცვას. არავის არ ეშინია არც მაგათი წყლის ჭავლების და არც რობოკოპების, ჩვენ ნანახი გვაქვს, როდესაც ეს ძალა გამოიყენეს, საბოლოო ჯამში რითი დამთავრდა. ასე რომ დროულად მოეგონ გონს და გადაიყვანონ მიხეილ სააკაშვილი კლინიკაში,”- ამბობს ზაალ უდუმაშვილი.
ამასთან, თბილისის საპატრულო პოლიციის უფროსის მოადგილე აცხადებს, რომ პოლიცია კანონდარღვევის შემთხვევაში კანონის შესაბამისად იმოქმედებს. შსს აქციის მონაწილეებს მოუწოდებს კანონის ფარგლებში იმოქმედონ.
