საფრანგეთის საგარეო საქმეთა სამინისტროს სახელმწიფო მდივნის, ჟან-ბაპტისტ ლემოიენის განცხადებით, საფრანგეთი საკუთარ საზღვრებს ევროკავშირის მიერ რეკომენდირებული ქვეყნების მოქალაქეებს გაუხსნის.
„დღეიდან გარე საზღვრებს ვხსნით მოგზაურებისა და ტურისტებისთვის მესამე ქვეყნებიდან, რომლებიც ევროკავშირის საბჭოს სიაში მოხვდნენ. ტურიზმის სფეროს პროფესიონალები მზად არიან ისინი მიიღონ. კეთილი იყოს თქვენი მობრძანება საფრანგეთში.“ – განაცხადა ჟან-ბაპტისტ ლემოიენმა.
შეგახსენებთ, ევროკავშირის საბჭომ უკვე ოფიციალურად დაასახელა უსაფრთხო ქვეყნების სია და რეკომენდაცია მისცა ევროკავშირის წევრ ქვეყნებს, პირველი ივლისიდან ამ ქვეყნების მოქალაქეებს შესვლის ნებართვა მისცენ. 14 უსაფრთხო ქვეყანას შორის საქართველოც მოხვდა.
