ყველაფერი უნდა გავაკეთოთ იმისთვის, რომ მესამე ლოქდაუნი თავიდან ავიცილოთ,- ამის შესახებ საფრანგეთის პრემიერ-მინისტრმა, ჟან კასტექსმა განაცხადა.

ინფორმაციას Guardian-ი ავრცელებს.

ლოქდაუნის თავიდან აცილების მიზნით, ქვეყანაში კომენდანტის საათი საღამოს 6 საათიდან მოქმედებს. შაბათ-კვირას იმ რეგიონებში, სადაც ვირუსის შემთხვევების დიდი რაოდენობაა, ლოქდაუნი მოქმედებს.

„ლოქდაუნის თავიდან ასარიდებლად ყველა საშუალება უნდა გამოვიყენოთ. გავიკეთოთ ტესტი, ავიცრათ“,- განაცხადა კასტექსმა.

ცნობისთვის, პანდემიის დაწყებიდან დღემდე საფრანგეთში კორონავირუსით 4,071,662 ადამიანი დაინფიცირდა.