საფრანგეთში მესამე „ლოქდაუნის“ გამოცხადება იგეგმება. ამის შესახებ საფრანგეთის ჯანდაცვის მინისტრმა განაცხადა.
მისი თქმით, შეზღუდვები კორონავირუსის ბრიტანული შტამის გავრცელების მკვეთრი მატების შემთხვევაში ამოქმედდება.
„თუ ამ ვარიანტის დონე მნიშვნელოვნად გაიზრდება და მის ტრაექტორიას მივყვებით, „ლოქდაუნი“ ალბათ, აუცილებელი გახდება“,- განაცხადა ჯანდაცვის მინისტრმა.
ამჟამად, საფრანგეთში მაღაზიები და საჯარო ბიბლიოთეკები მუშაობს, თუმცა სავალდებულოა მათი 18:00 საათზე დაკეტვა. ბარები, რესტორნები, კინოთეატრები, თეატრები, მუზეუმები და სავარჯიშო დარბაზები ამ დრომდე არ მუშაობს.
