საპროტესტო აქცია მთავრობის ადმინისტაციიდან პარლამენტთან მსვლელობით გადაინაცვლებს. ამის შესახებ ოპოზიციის ერთ-ერთმა გიგი უგულავამ განაცხადა.
„ყველა ერთად ინგოროყვას ქუჩით და აქვე, ჩიტაძის დაღმართით გავემართოთ პარლამენტისკენ. იქ, სადაც მთავრი ბოროტება ზის. იქ, სადაც ერთპარტიული პარლამენტია. იქ, სადაც რუსეთი გაამეფეს. იქ, სადაც მოსკოვია, მაგრამ იქ თბილისია, თბილისის ცენტრია და ივანიშვილი მას ვეღარასდროს გაარუსებს“, – განაცხადა გიგი უგულავამ.
დღეს დილით, 23 თებერვალს, სამართალდამცველებმა ნიკა მელია ოფისში დააკავეს.
ნაციონალური მოძრაობის” ოფისთან სპეციალური დანიშნულების რაზმმა ცრემლსადენი გაზი გაუშვა.
ოფისთან მობილიზებული იყო სასწრაფო დახმარების ეკიპაჟები. ოფისის მიმდებარე ტერიტორიაზე ნიკა მელიას მხარდამჭერებსა და სამართალდამცველებს შორის მდგომარეობა რამდენჯერმე დაიძაბა.
მანამდე, „ნაციონალური მოძრაობის“ ოფისთან სამართალდამცველებმა რამდენიმე ადამიანი დააკავეს.
სამართალდამცველები „ნაციონალური მოძრაობის“ოფისში დღეს დილით შევიდნენ.
ცნობისთვის, ნიკა მელიას თბილისის საქალაქო სასამართლომ აღკვეთის ღონისძიებად პატიმრობა 17 თებერვალს შეუფარდა.
