„პირველ რიგში, გამოვხატოთ მადლიერება ყველა იმ ადამიანთა მიმართებაში, ვინც თავისი წვლილი შეიტანა ჩვენ დამოუკიდებლობაში. გილოცავთ 9 აპრილს, 9 აპრილი არის დღე, როდესაც აღდგა ჩვენი დამოუკიდებლობა, ეს არის დღე, რომელიც არის ეროვნული თანხმობის, ერთიანობის სიმბოლო. როდესაც ერთად ვდგავართ, ჩვენ ყველაფერი შეგვიძლია, ჩვენ შეგვიძლია უძლიერესი სახელმწიფო ავაშენოთ”,- მის შესახებ „სტრატეგია აღმაშენებლის“ ლიდერმა, გიორგი ვაშაძემ 1989 წლის 9 აპრილის ტრაგედიაზე საუბრისას განაცხადა.

“ვფიქრობ, დამოუკიდებლობის გზა, რომელიც 30 წლის წინ დაიწყო, ჯერ კიდევ გრძელდება. რეალური თავისუფლება უნდა მოვიპოვოთ, უნდა ავაშენოთ ძლიერი სახელმწიფო, სადაც ძლიერი ოჯახები იქნებიან, ძლიერი ადამიანები.

საქართველოს თითოეული მოქალაქე იგრძნობს, რომ მისთვის ეს არის ქვეყანა, სადაც საკუთარი თავის რეალიზება შეუძლია. ეს გზა გრძელდება, ის დიდი ღვაწლი, რაც ჩადეს ადამიანებმა, საკუთარი სიცოცხლე შეწირეს ჩვენს დამოუკიდებლობას, ეს ჩვენ უნდა გავიაზროთ, როგორც მნიშვნელოვანი წინამძღვარი, რაც გასაკეთებელი გვაქვს. საქართველო დღეს ძალიან დიდი გამოწვევების წინაშეა, სამწუხაროდ, ისევ გახლეჩილია ერი, საზოგადოება. ეს დღე უნდა იყოს სიმბოლო, როდესაც ყველა ერთად ვართ“, – აცხადებს ვაშაძე