საქართველოს დამოუკიდებლობის 30 წლისთავთან დაკავშირებით, მსოფლიოს მასშტაბით, სხვადასხვა მედია პლატფორმებზე გამოქვეყნდა სტატიები საქართველოს შესახებ, მათ შორის საზღვარგარეთ საქართველოს დიპლომატიური წარმომადგენლობების ხელმძღვანელების ავტორობით.
ჟურნალ The Diplomat-ის მაისის ნომერში, გამოქვეყნდა გაერთიანებულ სამეფოში საქართველოს ელჩის, სოფიო ქაცარავას სტატია. ასევე, გამოქვეყნდა ელჩის ინტერვიუ ბრიტანულ კვლევით ცენტრთან „Council on Geostrategy“.
ამას გარდა, ქართველი დიპლომატების ე.წ ოპედები დაიბეჭდა არგენტინულ გამოცემა El Comercio-ში, პარაგვაის წამყვან გამოცემა „ABC News”-ში, ურუგვაიში, გამოცემა „El Pais“-ი, საბერძნეთში, ჟურნალ GR Diplomatic CD- ში, უნგრეთში – გაზეთ “Magyar Hirlap“-ში და კატარულ გამოცემა “ Lusail Newspaper”– ში.
ასევე საქართველოს ელჩების ინტერვიუები გამოქვეყნდა ბულგარულ გამოცემაში – Luxury Magazine: Premium Lifestyle, ლიეტუვურ გამოცემაში – Alfa.lt, კატარში, არაბულენოვან ჟურნალში Al Sharq-ში, ჩეხურ რადიოში – Czech Radio Plus, ფრანგულ მედია პლატფორმა Areion24-ზე, Arab News-ზე და Kuwiat Times-ში.
ასევე დაიბეჭდა საქმეთა დროებითი რწმუნებულების სტატია ნიდერლანდურ გამოცემა – Diplomat Magazine-ში.
ამასთან, იაპონიაში, საქმეთა დროებითი რწმუნებულის თეიმურაზ ლეჟავას სტატია გამოქვეყნდება იაპონურს გაზეთში „JapanTimes”.
აღსანიშნავია, რომ აშშ-ში, მექსიკასა და მალაიზიაში გაიმართა საქართველოს დიპლომატიური წარმომადგენლობების ხელმძღვანელების რადიო-ინტერვიუები.
ბელგიურ გამოცემა Euractiv-ში კი დაიბეჭდა საქართველოს ვიცე-პრემიერის, საგარეო საქმეთა მინისტრის დავით ზალკალიანის ოპედი.
ხაზგასასმელია, რომ სლოვენიური ჟურნალის Together Sila მაისის თვის ნომერი მიეძღვნა საქართველოს დამოუკიდებლობის აღდგენის 30-ე წლისთავს, ჩეხეთში კი გამოქვეყნდა სტატია „ქართული სამოსის“ გამოფენის შესახებ. რამდენიმე სტატია მიუძღვნეს საქართველოს ოირდანიის საინფორმაციო სააგენტოებმაც.
აღსანიშნავია, რომ მექსიკური პერიოდული გამოცემის “Contra Réplica” საავტორო სვეტი დაეთმობა საქართველოს დამოუკიდებლობის დღეს. ასევე, რუმინული საინფორმაციო სააგენტოს, „აგერპრესის“ ვებ-გვერდზე გამოქვეყნდება ელჩის მიმართვა დამოუკიდებლობის დღესთან დაკავშირებით. ესტონეთში, თურქეთსა და ირლანდიაში იგეგმება ქართველი ელჩების ინტერვიუებისა და ოპედების, პოლონეთში კი მინისტრის ოპედის გამოქვეყნება.
ასევე, სამხრეთ აფრიკული ონლაინ გამოცემა “Embassy Direct”- ა, კულტურის რუბრიკაში, საქართველოს მიეძღვნა ჩანახატი: “უთბილესი ემოციების ქვეყანა – საქართველო”/”The Country of Warmest Emotions – Georgia”. ონლაინ გამოცემა “Embassy Direct”-ში კი გამოქვეყნდა სამხრეთ აფრიკის რესპუბლიკაში საქართველოს ელჩის ბექა დვალის სტატია „30 Years after restored independence Georgia expands its global partnerships into Africa“.
იაპონიაში ტელეარხ FujiTV, თავის Youtube არხზე ქართული კულტურის შესახებ ვიდეო-რგოლს გაუშვებს. ამასთან, დამოუკიდებლობის დღესთან დაკავშირებით ლატვიურმა ტელეარხმა LTV-მ, გამოაქვეყნა ინტერვიუ საქართველოს ელჩ, თეა მაისურაძესთან.
