დაავადებათა კონტროლის ცენტრის ხელმძღვანელის მოადგილის, პაატა იმნაძის განცხადებით, დღეიდან საქართველოში ანტიგენზე დამყარებული სწრაფი ტესტები გამოიყენება, რომლის პასუხიც მოქალაქეს 20 წუთში ეცოდინება.
როგორც იმნაძე განმარტავს, ამ ტესტების გამოყენება ისეთი პროტოკოლით მოხდება, როგორც PCR ტესტები.
„ეს არის სწრაფი ტესტები, ოღონდ ხაზს ვუსვამ, ეს ეხება მხოლოდ ანტიგენზე დამყარებულ სწრაფ ტესტებს, რომელიც ზუსტად ისე კეთდება, როგორც სხვა (ცხვირიდან უნდა იქნეს ნაცხი აღებული). სულ მსოფლიოში არის ასეთი ორი ტესტი, რომელიც არის აღიარებული და ამ ორიდან ერთი საქართველოში გვაქვს.
დღეიდან გამოიყენება დიაგნოსტირებისთვის, მოხდება ისეთი პროტოკოლით გამოყენება, როგორიც პისიარ ტესტები.
ეს ტესტიც სამედიცინო დაწესებულებებში კეთდება. მას უკვე აღარ სჭირდება პსრ-ის დადასტურება. ამ ტესტების მარაგი ჩვენ გვაქს 150 ათასამდე და ნახევარი მილიონი შეკვეთილია. ამ ტესტით კორონავირუსზე პასუხი 20 წუთში იქნება“,- განმარტავს პაატა იმნაძე.
