საქართველოში კორონავირუსის ლეტალობის დაბალი მაჩვენებელი კარგად მართული პროცესის დამსახურებაა, – ამის შესახებ „პრაიმტაიმს“ WHO-ს წარმომადგენელმა, ვასილი ესენამანოვმა განუცხადა.
„ის, რომ საქართველოს მეზობელ ქვეყნებთან შედარებით კორონავირუსის სიკვდილიანობის დაბალი მაჩვენებელი აქვს ნამდვილად მიუთითებს შემთხვევების კლინიკურად მართვის ეფექტიანობაზე. ასევე, ქართველმა კოლეგებმა ნამდვილად შეძლეს გაეთვალისწინებინათ ყველა რეკომენდაცია და გამოეყენებინათ პრაქტიკაში. მათ ძალიან ოპერატიულად იმუშავეს. ყველა პროტოკოლი იყო კარგად დაცული და ასევე საავადმყოფოები იყო სრულიად მომზადებული. კორონავირუსის ლეტალობის დაბალი მაჩვენებელი სწორედაც კარგად მართული პროცესის კარგი ინდიკატორია“,- განუცხადა „პრაიმტაიმს“ ვასილ ესენამანოვმა.
შეგახსენებთ, რომ კორონავირუსის შემთხვევების რეკორდული ზრდის მიუხედავად, საქართველო სამეზობლოში საუკეთესო შედეგს ინარჩუნებს.
1 მილიონ მოსახლეზე ჩვენს ქვეყანაში კორონავირუსის 481 შემთხვევა და 5 გარდაცვალება ფიქსირდება.
დეტალურად ამ თემაზე წაიკითხეთ აქ.
